PËRZGJEDHJA E SOMELIERIT

Chardonnay

Chardonnay

Freski, pastërti dhe elegancë në gotë

Në këtë verë të bardhë, rrushi flet vetë. Chardonnay i Kantinës Tufa është një interpretim i freskët dhe i sinqertë i këtij varieteti ndërkombëtar, i kultivuar me kujdes në vreshtat kodrinore dhe vinifikuar pa ndërhyrje të drurit, për të ruajtur identitetin frutor dhe strukturën minerale të kombinuar varietet-territor. Kjo verë pasqyron harmoninë mes klimës mesdhetare dhe tokës së pasur, duke ofruar një shprehje elegante për dashamirësit e verës së bardhë.
Reverzo Një Vizitë

Detaje të tjera

Rrushi vjen nga një parcelë e përzgjedhur në kodrat e familjes Tufa në Lundër, në lartësi 280–310 m mbi nivelin e detit. Ekspozimi juglindor siguron ndriçim optimal dhe freski gjatë natës, duke ruajtur aciditetin natyror dhe zhvillimin aromatik. Toka argjilo-gëlqerore me rërë të lehtë ofron drenazh të shkëlqyer dhe mineralitet të ndjeshëm, një element kyç për karakterin e kësaj vere.

Rrushi vilet në orët e para të mëngjesit për të ruajtur freskinë dhe transportohet menjëherë në kantinë. Ky proces garanton pastërtinë dhe tipicitetin varietal.

Pas një presimi të butë, mushti ftohet dhe dekantohet natyrshëm për 12 orë. Fermentimi kryhet në tanke çeliku inox, në temperaturë të kontrolluar 15–16°C, për të ruajtur aromat delikate të varietetit. Vera qëndron 3 muaj mbi llumin e vet të imët (sur lie), me përzierje të lehta periodike (batonnage) në temperatura të ulëta, për të rritur strukturën dhe kompleksitetin natyror.

Pas fermentimit mbi llum, vera filtrohet lehtë dhe ruhet në tanke inox për 4–5 muaj. Më pas shishet dhe qëndron minimalisht 2 muaj në shishe, për të arritur harmoni dhe stabilitet para daljes në treg. Ky proces ruan freskinë, tipicitetin varietal dhe ekuilibrin natyror të verës.

Chardonnay është e freskët, elegante dhe harmonike:

  • Ngjyra: E verdhë e çelur me reflektime jeshile të buta, që tregojnë freskinë dhe vitalitetin.
  • Aromat: Dominon nota frutash tropikale, mollë e gjelbër dhe dardhë, të shoqëruara nga nuanca agrumesh (limon dhe lime). Një prekje minerale delikate i shton thellësi dhe kompleksitet.
  • Shija: E freskët dhe dinamike, me aciditet të gjallë dhe strukturë frutore të balancuar. Trupi është i mesëm, me ndjesi të lehtë kremoze nga qëndrimi mbi llum.
  • Pas-shija: E pastër, e freskët dhe e gjatë, me tonalitet mineral dhe prekje të lehtë agrumesh, që përforcon përvojën në qiellzë.

Chardonnay është shumë fleksibël dhe gastronomik: rekomandohet të shërbehet në 8–10°C dhe të ajroset pak para konsumit.

Përshtatet në mënyrë ideale me:

  • Carpaccio ose tartar peshku (salmon, levrek)
  • Pjata të lehta me fruta deti – midhje, karkaleca, kallamar
  • Risoto me perime ose limon
  • Sushi dhe kuzhinë aziatike e lehtë
  • Sallata me avokado, dardhë dhe djathë të freskët
  • Djathë të butë si brie, burrata, gjizë e stinës

Viti: 2024

Alkooli: 13.0%

Aciditeti total: 6.4 g/L

Sheqerna reduktues: < 1 g/L

SO₂ total: 112 mg/L