Një varietet autokton, një histori shqiptare në gotë
Shesh i Bardhë është një verë elegante nga kodrat e Tiranës, një ndër varietetet më të vjetra dhe më përfaqësuese të traditës shqiptare të kultivimit të rrushit. Me origjinë nga zona e Tiranës, ky rrush bart në çdo kokërr një trashëgimi të lashtë, që ne në Kantinën Tufa e kultivojmë dhe e trajtojmë me përkushtim dhe respekt.
Kjo verë është një interpretim bashkëkohor i këtij variteti unik, prodhuar ekskluzivisht nga rrush i mbledhur me dorë në vreshtat tona, të vendosura në kodrat e Lundrës, ku tradita bujqësore takohet me mjeshtërinë moderne të verarisë. Shesh i Bardhë i Kantinës Tufa është një verë natyrale dhe autentike, që përcjell mineralitetin e tokës dhe freskinë e territorit, ideale për drekë elegante ose darkë të lehtë verore.
Vreshtat ndodhen në një lartësi prej 280–320 m mbi nivelin e detit, me ekspozim juglindor. Ekspozimi i diellit gjatë gjithë ditës dhe rrymat e freskëta të ajrit në mbrëmje krijojnë një mikroklimë ideale për maturim të ngadaltë dhe të balancuar të rrushit. Toka argjilo-gëlqerore, me struktura të lehta dhe të pasura në minerale, ofron drenazhim natyral të shkëlqyer dhe është veçanërisht e përshtatshme për varietetet që shprehin elegancë, freski dhe aromë. Sistemi i kultivimit është Guyot, me dendësi 4000 bimë/ha dhe rendiment rreth 8 ton/ha për cilësi maksimale.
Pas vjeljes me dorë, rrushi përzgjedhet me kujdes dhe presohet butësisht. Mushti dekantohet natyrshëm dhe fermentohet në tanke çeliku inoks në temperaturë të kontrolluar 15–16°C, pa ndërhyrje agresive, për të ruajtur aromat e pastra dhe delikate. Fermentimi alkoolik zgjat 12–14 ditë. Më pas, vera qëndron rreth dy muaj mbi llumin e vet (sur lie), me përzierje të lehta periodike (batonnage) për strukturë dhe kompleksitet, pa kryer fermentim malolaktik.
Pas fermentimit mbi llum, vera maturohet për 4 muaj në tanke çeliku inoks në temperaturë të kontrolluar deri në 0°C për të ruajtur freskinë, stabilitetin tartarik dhe karakterin varietal. Pas filtrimit të lehtë, vera shishet dhe qëndron 3 muaj në shishe për të arritur ekuilibrin optimal para daljes në treg. Ky proces ruan natyrshmërinë, mineralitetin dhe strukturën e Sheshit të Bardhë.
Shesh i Bardhë është një verë elegante dhe e balancuar:
Shesh i Bardhë është shumë i përshtatshëm për tryezën mesdhetare shqiptare. Rekomandohet të shërbehet në 8–10°C.
Përshtatet në mënyrë ideale me:
Viti: 2024
Alkooli: 13.5%
Aciditeti total: 6 g/L
Sheqerna reduktues: < 1 g/L
SO₂ total: 126 mg/L