Everyday selections

Tufa Klasik e Kuqe

Tufa e Kuqe

Traditë vendase dhe strukturë ballkanike nga kodrat e Lundrës

Një verë e kuqe që përfaqëson bashkimin harmonik mes trashëgimisë vendase dhe varieteteve rajonale e ndërkombëtare. Shesh i Zi sjell identitet, freski dhe lidhje të drejtpërdrejtë me territorin, Merlot kontribuon me butësi, rrumbullakësi dhe elegancë, ndërsa Vranac i jep strukturë, intensitet dhe karakter ballkanik. Këto varietete, të kultivuara në kodrat e Lundrës, krijojnë një verë autentike, të balancuar dhe me personalitet të dallueshëm. Në Kantinën Tufa, ky kupazh vinifikohet me respekt për secilin varietet, duke shprehur qartë karakterin e tokës, mikroklimës dhe filozofinë e punës së kantinës.

Rezervo Një Vizitë

Detaje të tjera

Rrushi Shesh i Zi, Merlot dhe Vranac vjen nga vreshtat e Lundrës, në lartësi 250–300 m mbi nivelin e detit, me ekspozim jug-perëndimor. Ky pozicion siguron ndriçim optimal dhe freski natën, duke favorizuar pjekje të ngadaltë dhe të njëtrajtshme. Mikroklima e balancuar dhe toka argjilo-gëlqerore me gëlqerore dhe drenazh të mirë i japin verës strukturë të qëndrueshme, taninë të integruar dhe një mineralitet të lehtë që shton finesë.

Vjelja bëhet me dorë në fund të Shtatorit, me seleksionim të kujdesshëm. Varietetet vinifikohen veçmas në tanke çeliku inoks, në temperatura të kontrolluara 24–26°C. Macerimi i moderuar nxjerr gradualisht ngjyrën, aromat dhe taninët, duke krijuar një strukturë të balancuar. Pas fermentimit alkoolik, vera kalon fermentim malolaktik të plotë. Kupazhimi bëhet pas fermentimit, ku secili varietet ruan rolin e tij dhe kontribuon në kompleksitetin final.

Vera maturohet disa muaj në tanke çeliku inoks, për të ruajtur pastërtinë frutore dhe shprehjen varietale. Ky stil maturimi thekson karakterin e freskët, të drejtpërdrejtë dhe territorial. Pas filtrimit të lehtë, vera shishet për konsum relativisht të hershëm, duke ruajtur gjallërinë dhe ekuilibrin natyror.

  • Ngjyra: E kuqe rubin e thellë, me reflektime vjollcë
  • Aromat: Fruta të kuqe dhe të zeza si qershi, manaferra dhe kumbull, me nota të lehta barishtore dhe erëza delikate
  • Shija: Rrumbullakosur dhe e balancuar; butësia e Merlot-it harmonizohet me strukturën e Vranacit dhe freskinë e Sheshit të Zi
  • Pas-shija: Mesatare, e pastër dhe elegante, me fund frutor dhe prekje minerale

Vera Tufa e Kuqe është shumë e gjithanshme në tavolinë. Rekomandohet të shërbehet në temperaturë 16–18°C.

Përshtatet në mënyrë ideale me:

  • Mish të pjekur ose në skarë
  • Gatime tradicionale shqiptare me mish
  • Pasta me salca domatesh ose ragu
  • Djathëra gjysmë të fortë
  • Kuzhinë mesdhetare dhe ballkanike

Varietetet: Shesh i Zi, Merlot dhe Vranac

Viti: 2022

Alkooli: 13.0%

Aciditeti total: 5.0 g/L

Sheqerna reduktues: < 1 g/L

SO₂ total: ~98 mg/L